ကနေဒီယန်အဖွဲ့ "Simple Plan" အကြောင်း

"No Pads, No Helmets... Just Balls" — ၂၀၀၀ ပြည့်နှစ်တွေရဲ့ ရွှေရောင်ပေါ်ပ်ပန့်ခ် (Pop-Punk) ခေတ်ဦးကို ဖြတ်သန်းခဲ့ဖူးသူတိုင်း ဒီစာသားလေးကို မြင်ရုံနဲ့တင် ဆံပင်တွေကို ထောင်နေအောင် ဂျဲလ်တွေကပ်၊ Hurley အင်္ကျီနဲ့ Dickies ဘောင်းဘီတိုတွေ ဝတ်ခဲ့ကြတဲ့ အချိန်တွေကို သတိရသွားစေမှာပါ။

Simple Plan ရဲ့ အစပြုမှုက ၁၉၉၃ ခုနှစ်ကတည်းက တည်ထောင်ခဲ့တဲ့ "Reset" ဆိုတဲ့ Skate-Punk အဖွဲ့ကနေ ဆင်းသက်လာတာပါ။ အဲ့ဒီအဖွဲ့မှာ လက်ရှိ Simple Plan ရဲ့ အဆိုတော် Pierre Bouvier နဲ့ ဒရမ်မာ Chuck Comeau တို့ ပါဝင်ခဲ့ကြပါတယ်။ နောက်ပိုင်းမှာ Chuck က အဖွဲ့ကနေ ထွက်သွားခဲ့ပေမဲ့ Sugar Ray ပွဲတစ်ခုမှာ Pierre နဲ့ ပြန်ဆုံရာကနေ Simple Plan ဆိုတဲ့ အဖွဲ့သစ်ကို ပြန်လည်မွေးဖွားခဲ့ပါတယ်။

သူတို့ရဲ့ လျှောက်လှမ်းခဲ့တဲ့ လမ်းက ပန်းခင်းမနေခဲ့ပါဘူး။ Demo ခွေတွေကို Record Label ပေါင်း ၅၀ ကျော်ဆီ ပို့ခဲ့ပေမဲ့ ငြင်းပယ်ခံခဲ့ရပါတယ်။ ဒါပေမဲ့ ဇွဲမလျှော့ဘဲ ကြိုးစားခဲ့လို့ နောက်ဆုံးမှာ Atlantic Records နဲ့ စာချုပ်ချုပ်နိုင်ခဲ့ပြီး ၂၀၀၂ ခုနှစ် မတ်လမှာ သူတို့ရဲ့ ပထမဆုံး Album ဖြစ်တဲ့ “No Pads, No Helmets... Just Balls” ကို ဖြန့်ချိခဲ့ပါတယ်။

အစပိုင်းမှာ Album ရောင်းအားက အေးစက်နေခဲ့ပေမဲ့ "I'm Just a Kid" ဆိုတဲ့ Debut Single ထွက်လာတဲ့အချိန်မှာတော့ အရာအားလုံး ပြောင်းလဲသွားခဲ့ပါတယ်။ ဒီသီချင်းဟာ လူငယ်ရုပ်ရှင် The New Guy မှာ ပါဝင်ခွင့်ရခဲ့ပြီး၊ Music Video ထဲမှာလည်း နာမည်ကြီး Skateboard အကျော်အမော် Tony Hawk က ကာမီယို (Cameo) အနေနဲ့ ပါဝင်ပေးခဲ့လို့ တစ်ဟုန်ထိုး လူသိများလာခဲ့ပါတယ်။

What's New, Scooby-Doo : ကလေးပေါင်း သန်းနဲ့ချီ နေ့တိုင်းကြည့်တဲ့ Scooby-Doo ကာတွန်းကားရဲ့ Theme Song ကို ဆိုခွင့်ရခဲ့လို့ ကလေးတွေရဲ့ စိတ်ထဲမှာ သူတို့သီချင်းက စွဲမြဲသွားခဲ့ပါတယ်။

Simple Plan ရဲ့ ပထမဆုံး Album ဖြစ်တဲ့ “No Pads, No Helmets... Just Balls” ထဲမှာ Mark Hoppus ကော Joel Madden ပါ အသီးသီး ပါဝင်အားဖြည့်ပေးခဲ့ကြတာ ဖြစ်ပါတယ်။

Mark Hoppus (Blink-182) ပါဝင် သီဆိုပေးခဲ့တဲ့ သီချင်းကတော့ "I'd Do Anything" ဖြစ်ပါတယ်။

Joel Madden (Good Charlotte) ပါဝင် သီဆိုပေးခဲ့တဲ့ သီချင်းကတော့ "You Don't Mean Anything" ဖြစ်ပါတယ်။ 

ဒီလောက် မြန်မြန်ဆန်ဆန် အောင်မြင်လာတဲ့အခါမှာတော့ တကယ့် Hardcore Punk အမာခံပရိသတ်တွေနဲ့ ဂီတဝေဖန်ရေးသမားတွေရဲ့ တိုက်ခိုက်မှုကို စတင်ခံရပါတော့တယ်။ သူတို့ကို "Mall Punk" (ဈေးဝယ်စင်တာသွားတဲ့ ကလေးတွေနားထောင်တဲ့ ပန့်ခ်) သို့မဟုတ် "ဂျူနီယာအထက်တန်းကျောင်းသားတွေအတွက် Bubblegum Pop-Punk" ဆိုပြီး လှောင်ပြောင်ကြပါတယ်။

နှစ်ပေါင်း ၂၀ ကျော် ဖြတ်သန်းလာခဲ့တဲ့တိုင် သူတို့ရဲ့ သီချင်းကတ်တလောက် (Catalog) ထဲမှာ ဆိုးရွားလွန်းတဲ့ Album ရယ်လို့ တစ်ခုမှ မရှိခဲ့ပါဘူး။ TikTok မှာ "I'm Just a Kid Challenge" နဲ့ ပြန်လည် Trend ဖြစ်ခဲ့တာကလည်း သူတို့သီချင်းတွေရဲ့ အချိန်မရွေး ခေတ်မှီနေမှုကို သက်သေပြနေတာပါ။

Simple Plan ရဲ့ သီချင်းစာသား (Lyrics) တွေဟာ သူတို့အဖွဲ့ကို လူကြိုက်များစေခဲ့တဲ့ အဓိက သော့ချက်တွေထဲက တစ်ခုပါ။ သူတို့ အရေးအများဆုံး အကြောင်းအရာတွေကို ခြုံငုံကြည့်ရင် "ဆယ်ကျော်သက်အရွယ်ရဲ့ စိတ်ဒဏ်ရာ၊ အထီးကျန်မှုနဲ့ ရုန်းကန်ရမှုတွေ" ကို အဓိကထားပြီး ရေးလေ့ရှိပါတယ်။

သူတို့ကို အထင်သေးခဲ့တဲ့ mindset တွေ ပျောက်ပျက်သွားပြီး အခုချိန်မှာ ထိုက်တန်တဲ့ လေးစားမှုကို ပြန်လည်ရရှိနေတာ တွေ့ရတာ တကယ်ကို ဝမ်းသာစရာကောင်းပါတယ်။ သင်ကော ၂၀၀ံ ခုနှစ်တွေရဲ့ Pop-Punk အငွေ့အသက်တွေကို လွမ်းဆွတ်နေမိပြီလား? ဒါဆိုရင်တော့ Simple Plan ရဲ့ Album တွေကို အခုပဲ ပြန်ဖွင့်ပြီး နားဆင်လိုက်ဖို့ တိုက်တွန်းပါရစေ!